Молитва старца Сампсона, которую он давал читать своим духовным чадам после Святого Причащения - после чтения благодарственных молитв по молитвослову. "Твоим Пречистым Телом, Твоей Пречистой Кровию, Иисусе, Спасе мой, Ты меня всего обнови: обнови сердце мое, обнови душу мою, обнови тело мое, обнови ум мой, обнови волю мою, обнови жизнь мою...
Всемилостивая Владычице моя,
Пресвятая Госпоже, Всепречистая Дево,
Богородице Марие, Мати Божия,
Несумненная и единственная моя Надежда,
Не гнушайся мене, не отвергай мене,
Не остави мене, не отступи от мене;
Заступись, попроси, услыши; виждь.
Госпоже, помози, прости, прости. Пречистая!
Иеросхимонах Сампсон (Сиверс)
Молитва старца Сампсона, которую он давал читать своим духовным чадам после Святого Причащения - после чтения благодарственных молитв по молитвослову.
Твоим Пречистым Телом, Твоей Пречистой Кровию, Иисусе, Спасе мой, Ты меня всего обнови: обнови сердце мое, обнови душу мою, обнови тело мое, обнови ум мой, обнови волю мою, обнови жизнь мою. Возьми от мене мое тяжкое бремя греховное. Исцели сердце мое. Умертви страсти моя. Научи меня молиться, научи меня каяться, научи меня плакать, научи меня вопить Тебе. Смири сердце мое, смири ум мой, исцели гордыню мою. Даждь мне ныне положить начало благое. Приими мое покаяние, не остави мене, не отступи от мене. Даждь ми плачь за грехи моя, даждь ми исповедовать грехи моя. Не остави мене, не отступи от мене за грехи преступныя моя.
Помилуй меня по велицей милости Твоей. Пощади меня. Не отвергай меня. Даждь ми незлобие, даждь ми кротость, даждь ми целомудрие, даждь ми терпение, даждь ми послушание, даждь ми молчание, даждь ми безпрестанное самоосуждение и внимание над самим собой.
Даждь ми возненавидеть грех, даждь ми оставить грех. Пригвозди меня страху Твоему, овей меня страхом Твоим, даждь ми любити Тя всем сердцем своим, всею мыслию моею, все умом моим, всеми жилами моими прилепитися Тебе. Тебе жити, не себе, не греху. Сотвори со мною Твою милость. Во всем, во всем да будет воля Твоя. Аминь.
Даждь ми уши слышати Тя, даждь ми вкус вкусити Тя, даждь ми нози приити к Тебе, даждь ми сердце боятися Тя, даждь ми сердце любити Тя. Возьми мое от мене и даждь ми творити волю Твою. Отыми ветхое и даждь ми новое, отыми сердце каменное и даждь ми сердце пламенное, Тебя любящее, Тебя умоляющее, Тебе плачущее, Тебе кающееся, Тебе воздыхающее, Тебе боящееся, Тебе живущее, ни себе, ни греху. Даждь ми сердце кроткое, смиренное, целомудренное, чистое, терпеливое, боящееся греха, ненавидящее грех.
Буди души моей пища и питие. Буди источник жаждущей душе моей. Буди свет помраченного грехом ума моего, сердца моего. Буди отрада в скорби моей. Буди веселие в печали моей. Буди избавление противу страстей моих. Буди премудрость противу безумия моего. Буди смирение противу гордыни моей. Буди освящение противу нечистоты моей. Буди укрепление противу слабости моей. Буди освящение противу немощи моей.
Верую, помози моему неверию. Аминь.
Скачать молитву в формате Word: (cкачиваний: 5284)
Уважаемые посетители сайта! Посмотрите, пожалуйста, и распечатайте или перепишите молитвы, которые ниже я предлагаю вашему вниманию. Эти молитвы были даны нам при поездке в Дивеево монахинями монастыря. Пусть у вас дома, в вашем молитвослове обязательно будут эти молитвы, а также раздайте своим знакомым и родственникам, людям верующим.
Чудотворная молитва "Всемилостивая" данная преп.Серафимом иеросхимонаху Сампсону:
Всемилостивая Владычице моя, Пресвятая Госпоже, Всепричистая Дево Богородице Марие, Мати Божия! Несумненная и единственная надеждо моя! Не гнушайся мене, не отвергай мене, не остави мене, не отступи мене. Заступи, попроси, услыши. Виждь, Госпоже, помози, прости, прости, Пречистая!
Молитва блаженной Ксении Петербургской об избавлении от муки умерших без покаяния:
О, святая всеблаженная мати наша Ксение! Обиды, поношения и насмешки Христа ради претерпевшая и за мужа твоего, без христианского напутствия скончавшегося, неперстанно молившаяся. Виждь тесноту души моея и скорбь о умерших без покаяния и причащения Святых Таин сродниках и знаемых моих (имена) и умоли данною тебе благодатию Человеколюбивого Владыку Христа Бога нашего, да простит им вся согрешения вольная и невольная, из глубины адовых да изведёт их, от мучений лютых избавит и множеством милосердия Своего ко избранным Своим сопричтёт их, идеже ты ныне в незаходимоей сияеши славе, воспевая Премилосердаго Творца во веки веков. Аминь
Молитва Архистратигу Небесных Сил Михаилу
ГОСПОДИ БОЖЕ, Великий ЦАРЮ Безначальный,
пошли, ГОСПОДИ, Архангела Твоего Михаила
на помощь рабу Твоему (имя) изъяти мя от врагов
моих видимых и не видимых.
излей миро благостыни на раба Твоего (имя).
О, ГОСПОДЕНЬ Великий Архангеле Михаиле,
демонов сокрушителю, запрети всем врагам
моим борющимся со мною, сотвори их яко овцы
и сокруши их яко прах пред лицем ветра.
О, ГОСПОДЕНЬ Великий Архангеле Михаиле,
шестокрылатых Первый Княже
и Воеводе Небесных Сил, Херувим и Серафим,
и Всех Святых!
О, Чудный Архангеле Михаиле,
хранителю неизреченных Таин БОЖИИХ,
буди ми Великий помощник во всем:
в обидах, в скорбех, в печалех;
в пустынех на распутиях, на реках
и на морях тихое пристанище!
Избави мя, Великий Архангеле Михаиле,
от всякия прелести диавольския,
всегда услыши мя грешнаго раба
Твоего (имя), молящегося Тебе
и призывающего Имя Твое Святое,
ускори на помощь и услыши Молитву мою.
О, Великий Архангеле Михаиле!
Победи вся противящаяся мне
Силою Честнаго Животворящего
Креста ГОСПОДНЯ, Молитвами Пресвятыя
ВЛАДЫЧИЦЫ БОГОРОДИЦЫ
и Святых Апостол, и Святителя Николая
Чудотворца, Святого Пророка БОЖИЯ Илии,
Святаго Андрея юродивого,
Святых Великомучеников Никиты и Евстафия,
и Святых Святителей, Преподобных, Мучеников,
и Всех Святых, и всех Небесных Сил. Аминь.
О, Великий Архангеле Михаиле,
помози мне грешному рабу Твоему (имя),
избави мя от труса, потопа, огня, меча,
и от всякого зла, и от всякого врага: льстиваго,
от бури наносныя, и от лукавого избави мя,
Великий Михаиле, Архангеле ГОСПОДЕНЬ,
всегда ныне и присно и во веки веков. Аминь
Святый Архистратиже БОЖИИЙ Михаиле
со всеми Небесными Силами, молите БОГА о нас!
Примечание: явился Архистратиг БОЖИЙ Михаил единому от Богоугодных иноку во граде Москве в Кремле, в Чудовом монастыре идеже сия молитва написашася и рече: «Если который человек будет читать во все дни молитву сию и того дни не прикоснется к нему диавол и ни злой человек, леностию не соблазнится сердце, если человек преставится, то душу во ад не примет. Аминь».
Молитва Господу о спасении России
ГОСПОДИ, ИИСУСЕ ХРИСТЕ БОЖЕ НАШ! Приими от нас, недостойных рабов Твоих, усердное моление сие, и, простив нам вся согрешения наша, помяни всех врагов наших, ненавидящих и обидящих нас, и не воздаждь им по делам их, но по Велицей Милости Твоей, обрати их неверных ко правоверию и благочестию, верных же во еже уклонитися от зла и творити благое. Нас же всех и Церковь Твою Святую всесильною Твоею крепостию от всякаго злаго обстояния милотивно избави. Страждующую Землю Русскую от лютых враг видимых и невидимых свободи, и воскреси Святую Православную Русь, верных же рабов Твоих, в скорби и печали день и нощь вопиющих к Тебе, многоболезненный вопль услыши, Многомилостивый БОЖЕ нащ, и изведи из изтления живот их. Подаждь же мир и тишину, любовь и утверждение, и скорое примирение Людем Твоим, иже Честною Кровию Твоею искупил еси. Но и отступившим от Тебе и Тебя не ищущим явлен буди, во еже ни единому от них погибнути, но всем им спастися и в разум истины приити, да вси в согласном единомыслии и в непристанней любви прославят Пречестное Имя Твое, ОТЦА, и СЫНА, и СВЯТАГО ДУХА во веки веков.Аминь.
МОЛИТВЫ
к 45 чудотворным иконам Божией Матери
Молитва данная пр. Серафимом иеросхимонаху Сампсону «Всемилостивая»
Всемилостивая Владычица моя,
Пресвятая Госпоже,
Всепречистая Дево Богородице
Марие, Мати Божия,
несумненная и единственная
надеждо моя, не гнушайся мене,
не отвергай мене, не остави
мене, не отступи от мене,
заступи, попроси, услыши,
виждь, Госпоже, помози,
прости, Пречистая!
Молитва к иконе Богородицы «Млекопитательница»
Тропарь, глас 3:
Без семени от Божественнаго Духа, волею же Отчею зачала еси Сына Божия, от Отца без матери век суща, нас же ради из Тебе без отца бывша, плотию родила еси и Младенца млеком питала еси, темже не престай молити избавитися от бед душам нашим.
Приими, госпоже Богородительнице, слезная моления рабов твоих, к Тебе притекающих. Зрим Тя на святей иконе, на руках носящую и млеком питающую Сына Твоего и Бога нашего, Господа Иисуса Христа. Аще и безболезненно родила еси Его, обаче матерния скорби веси и немощи сынов и дщерей зриши. Темже тепле припадающе к цельбоносному образу Твоему и умиленно сей лобызающе молим Тя, Всемилостивая Владычице: нас грешных, осужденных в болезнях родити и в печалях питати чада наша, милостивно пощади и сострадательно заступи, младенцы же наша, такожде и родившая их, от тяжкаго недуга и горькия скорби избави. Даруй им здравие и благомощие, да и питаемии от силы в силу возрастати будут, и питающыя их исполнятся радостию и утешением, яко да и ныне предстательством Твоим из уст младенцев и ссущих Господь совершит хвалу Свою. О Мати Сына Божия! Умилосердися на матери сынов человеческих и на немощные люди Твоя: постигающыя нас болезни вскоре исцели, належащыя на нас скорби и печали утоли, и не презри слез и воздыханий рабов твоих. Услыши нас в день скорби пред иконою Твоею припадающих, и в день радости и избавления приими благодарная хваления сердец наших. Вознеси мольбы наша ко престолу Сына Твоего и Бога нашего, да милостив будет ко грехам и немощем нашим и пробавит милость Свою ведущым имя Его, да и мы, и чада наша прославим Тя, Милосердую заступницу и верную надежду рода нашего, во веки веков.
Молитва к иконе Богородицы «Отрада и Утешение»
Тропарь, глас 3:
Утоли болезни многовоздыхающия души моея, Утолившая всякую слезу от лица земли. Ты бо человеков болезни отгониши и грешных скорби разрушаеши: Тебе бо стяжахом вси надежду и утверждение, Пресвятая Мати Дево.
Надежда всем концем земли, Пречистая Дево Богородице, Утешение и Отрадо наше! Не гнушайся нас грешных, на Твою бо милость уповаем. Угаси пламень греховный и покаянием ороси изсохшие сердца наша. Очисти ум наш от греховных помышлений. Приими моления от души и сердца с воздыханием Тебе приносимыя. Буди Ходатаице о нас к Сыну Твоему и Богу и отврати гнев Его от нас Матерними молитвами. Укрепи в нас веру православную, вложи в нас дух страха Божия, дух смирения, терпения и любви. Душевныя и телесныя язвы исцели, утиши бурю злых нападений вражеских. Отыми бремя грехов наших и не остави нас до конца погибнути. Подаждь нам милость Твою и святое благословение Свое всем зде предстоящим и молящимся и всегда пребываяй с нами, подавая приходящим к Тебе отраду и утешение, помощь и заступление, да славим и величаем Тя вси до последняго нашего воздыхания. Аминь.
Молитва к иконе Богородицы «Утоли мои печали»
Тропарь, глас 3:
Утоли болезни многовоздыхающия души моея, утолившая всяку слезу от лица земли, Ты бо человеком болезни отгониши и грешных скорби разрушаеши, Тебе бо вси стяжахом надежду и утверждение, Пресвятая Мати Дево.
Надежда всем концем земным Ты еси, Пречистая Дево Госпоже Богородице, утешение мое! Не гнушайся мене, сквернаго, в дерзновенном молении недостойных уст моих, и молю: угаси ми пламень греховный и ороси покаянием, душевныя и телесныя язвы исцели, облегчи, Владычице, болезнь, утиши бурю злых нападений, Пречистая, отыми бремя грехов моих, Преблагая, и утоли печали моя, сокрушающая сердце. Ты бо еси возведение роду человеческому и в печалях скорая Утешительница. За толикия же Твоя милости до последняго моего издыхания славословити тя имам, о Всеблагословенная! Аминь.
Молитва к иконе Богородицы «Взыскание погибших»
Тропарь, глас 4:
Взыщи нас, погибающих Пресвятая Дево, не по грехом бо нашим наказуеши нас, но по человеколюбию милуеши: избави нас от ада, болезни и нужды и спаси нас.
О, Пресвятая и Преблагословенная Дево, Владычице Богородице, Споручнице грешных и Взыскание погибших! Призри милостивым Твоим оком на нас, предстоящих пред святою иконою Твоею и со умилением молящихся Тебе: воздвигни нас из глубины греховныя, просвети ум наш омраченный страстьми, и уврачуй язвы душ и телес наших. Не имамы иныя помощи, не имамы иныя надежды, разве Тебе, Владычице: Ты веси вся немощи и согрешения наша, к Тебе прибегаем и вопием: не остави нас Твоею небесною помощию, но предстани нам присно, и Твоим неизреченным милосердием и щедротами спаси и помилуй нас погибающих. Даруй нам исправление греховныя жизни нашея и избави нас от скорбей, бед и болезней, от напрасныя смерти, ада и вечныя муки. Ты бо, Царице и Владычице, скорая помощница и заступница всем притекающим к Тебе, и крепкое прибежище грешников кающихся. Подаждь убо нам, преблагая и всенепорочная Дево, христианский конец живота нашего мирен и непостыден и сподоби нас Твоим ходатайством вселитися в обителех небесных, идеже непрестанный глас празднующих радостию славит Пресвятую Троицу, Отца и Сына и Святаго Духа, ныне и присно и во веки веков. Аминь.
Молитва к иконе Богородицы «Иверская»
Тропарь, глас 1:
От святыя иконы Твоея, о Владычице Богородице, исцеления и цельбы подаются обильно с верою и любовию приходящим к ней: тако и мою немощь посети и душу мою помилуй, Благая, и тело исцели благодатию Твоею, Пречистая.
О, Пресвятая Госпоже Владычице Богородице, приими недостойную молитву нашу, и сохрани нас от навета злых человек и от напрасныя смерти, и даруй нам прежде конца покаяние, на моление наше умилосердися, и радость в печали места даруй. И избави нас, Госпоже, от всякия беды и напасти, скорби и печали и от всякаго зла. И сподоби нас, грешных рабов твоих, одесную стати во втором пришествии Сына Твоего, Христа Бога нашего, и наследники нас быти сподоби царствия небеснаго и жизни вечныя, со всеми святыми в безконечныя веки веков. Аминь.
Молитва к иконе Богородицы «Козельщанская»
Тропарь, глас 4:
Веселися, земле Полтавская и все Отечество наше православное: се бо яко светозарное солнце, явися пречудная икона Твоя, Преблагославенная Богомати, мир озаряющи множеством чудес Твоих, теми убо обретаем, яже на земли, вся благая и полезная, и сущих, яже на Небеси, сокровищ сподобляемся. Сего ради вопием Ти: радуйся, Похвало наша приснопоклоняемая, спаси ны, молящиеся Тебе, единая Надеждо и Радование вечное поющих Тя.
Богородице Дево Пренепорочная Мати Христа Бога нашего, Заступнице всего рода Христианскаго! Чудотворней иконе Твоей благоговейне предстояще, молим Тя, услыши нас молящихся Тебе: приими благодарения наша недостойная о всех неизреченных Твоих к нам блогодеяниих, в месте сем и во многих весях и градех земли Россииския явленных и являемых: Ты бо еси больных исцеление, скорбящих утешение, заблудших исправление и вразумление. Буди всем нам покров и утешение, пристанище от всяких зол, бед и обстояний, от глада, труса, потопа, огня, меча, нашествия иноплеменников, смертоносныя язвы и от злых человек озлобления. О Премилосердная Мати, буди присно молитвенница любвеобильная о благосостоянии святаго храма сего, о мире и тишине жительства общины сея, укрепи и поддержи священнодействующыя и служащыя во святем храме сем: осени вседержавным покровом Твоим строители и благотворители святыя обители сея, воздаждь им вечными дары щедрот Твоих: заступи от всякия напасти и сохрани с верою и благоговением притекающия к чудотворней иконе Твоей и молящиеся Тебе с любовию зде и на всяком месте. Вознеси молитвы наша, яко кадило благовонное, ко Престолу Всевышняго, дарующаго нам здравие, долгоденствие и в трудех благочестивых поспешение, да Твоим окормлением управляеми, и покровом Твоим осеняеми, прославим Отца, Сына и Святаго Духа и Твое Матернее о нас заступление, всегда, ныне и присно и во веки веков. Аминь.
Молитва к иконе Богородицы «Державная»
Тропарь, глас 4:
Ангелов лица благоговейно Тебе служат, и вся Небесныя силы немолчными гласы Тя ублажают, Богородице Дево, усердно молим Тя, Владычице, да пребудет Божественная благодать на честней иконе Твоей Державней, и светозарный луч славы чудес Твоих да нисходит от нея на всех, с верою Тебе молящихся и вопиющих Богу: аллилуиа.
О мира Заступнице, Матерь Всепетая, со страхом, верою и любовию припадающе пред честною иконою Твоею Державною, усердно молим Тя: не отврати лица Твоего от прибегающих к Тебе, умоли, Милосердная Матерь Света, Сына Твоего и Бога нашего, Сладчайшего Господа Иисуса Христа, да сохранит в мире страну нашу, да утвердит державу нашу в благоденствии, да избавит нас от междоусобныя брани и укрепит Святую Церковь нашу Православную, да незыблему соблюдет ю от неверия, раскола и ересей. Не имамы бо иныя помощи, не имамы иныя надежды, разве Тебе, Пречистая Дево: Ты еси Всесильная христиан Заступница пред Богом, праведный гнев Его умягчающая. Избави всех, с верою Тебе молящихся, от падений греховных, от навета злых человек, от глада, скорбей и болезней. Даруй нам дух сокрушения, смирения сердца, чистоту помышлений, исправление греховныя жизни и оставление согрешений наших, да вси благодарив воспевающе величия Твоя, сподобимся Небеснаго Царствия и тамо со всеми святыми прославим Пречистое и великолепное Имя в Троице славимаго Бога: Отца, Сына и Святаго Духа. Аминь.
Молитва к иконе Богородицы «Благодатное Небо»
Тропарь, глас 6:
Что Тя наречем, о Благодатная? Небо? - яко возсияла еси Солнце Правды; рай? - яко прозябла еси Цвет нетления; Деву? - яко пребыла еси нетленна; Чистую Матерь? - яко имела еси на святых Твоих объятиях Сына, всех Бога. Того моли спастися душам нашим.
Что Тя наречем, о Благодатная Богомати Богоотроковице, Пренепорочная Марие? Киими песнопении возвеличим Тя, возвеличенную Небом и землею, Ангелами и человеки? Явися бо на Тебе неслышанное от века на земли и несведомое Ангелами на Небеси таинство, паче ума и слова, вочеловечения Бога Слова, рожденнаго съискони от Безначальнаго Отца без матери и воплощеннаго в Твоей утробе и с нетленною печатию девства Твоего родившагося. О, чудо всех древних и новых чудес! Непреложное слово Самаго Бога о победоносном семени жены и исполнися и совершися в Безмужней Деве. О, неизмеримая глубина премудрости и величия Божия! Киими имены наречем Тя, о Невеста Неневестная? Зарею ли наречем Тя восходящаго на небе солнца? Но Ты - само Небо, из Тебе бо возсия Солнце Правды - Христос Бог наш, Спаситель грешных. Именуем ли Тя вратами, вводящими в потерянный прародителями рай, обиловавший всеми благами? Но Ты Сама еси благодатный рай, произрастившая Цвет нетления, врачующий смердение греха и зловоние прародительскаго тления. Наречем познавшей брака? Но Ты и до старости пребыла Неискусобрачною и девственною до рождения, и в рождении, и по рождении Сына пребыла еси. Наименуем ли Тя Чистою и Святою Мариею, превозшедшею Своею чистотою всех матерей и проматерей? Но Ты не токмо родила Того Младенца Христа, но и носила Его при Своих персех и питала Твоим матеродевственным млеком, Того, Иже питает всякое создание. Емуже со страхом и трепетом предстоят Небесныя силы и Его же хвалит всякое дыхание и тварь. О, воистинну Ты дивная еси в женах, чудная в девах, неподражаемая в матерех! К Тебе пред Твоими святыми стопами повергаем и слагаем все наши мысли, желания, намерения и чувства. Освяти их Твоим Богоматерним призрением и вознеси их, яко жертву нашего смиреннаго сердца, яко малоценную лепту нашей духовной нищеты, к Престолу Сына Твоего, Спасителя нашего, да имиже весть судьбами управит наш путь ко спасению и наследию Царствия Его, не имущаго конца во веки веков. Аминь.
Молитва к иконе Богородицы «Споручница грешных»
Тропарь, глас 4:
Умолкает ныне всякое уныние и страх отчаяния исчезает, грешницы в скорби сердца обретают утешение и Небесною любовию озаряются светло: днесь бо Матерь Божия простирает нам спасающую руку и от Пречистаго образа Своею вещает, глаголя: Аз Споручница грешных к Моему Сыну, Сей дал Мне за них руце слышати Мя выну. Тем же, людие, обремененнии грехи многими, припадите к подножию иконы Ея, со слезами вопиющие: Заступнице мира, грешным Споручнице, умоли Матерними Твоими молитвами Избавителя всех, да Божественным всепрощением покрывает грехи наша и светлыя двери райския отверзет нам, Ты бо еси предстательство и спасение рода христианскаго.
Молитва 1-я
О, Владычица Преблагословенная, Защитнице рода христианскаго, прибежище и спасение притекающих к Тебе! Вем, воистину вем, яко зело согреших и прогневах, Премилостивая Госпоже, рожденнаго плотию от Тебе Сына Божия, но имам многие образы прежде мене прогневавших Его благоутробие: мытари, блудницы и прочия грешники, имже дадеся прощение грехов их, покаяния ради и исповедания. Тыя убо образы помилованных очесем грешныя души моея представляя и на толикое Божие милосердие, онех преемшее, взирая, дерзну и аз, грешный, прибегнут с покаянием ко Твоему благоутробию. О, Всемилостивая Владычице, да подаси ми руку помощи и испросиши у Сына Твоего и Бога матерними и святейшими Твоими молитвами тяжким моим грехом прощение. Верую и исповедую, яко Той, Егоже родила еси, Сын Твой, есть воистинну Христос, Сын Бога Живаго, Судия живых и мертвых, воздаяй комуждо по делом его. Верую же паки и исповедую Тебе быти истинную Богородицу, милосердия источник, утешение плачущих, взыскание погибших, сильную и неперестающую к Богу Ходатаицу, зело любящую род христианский, и Споручницу покаяния. Воистину бо несть человеком иныя помощи и покрова, разве Тебе, Госпоже Премилостивая, и никтоже, уповая на Тя, постыдеся когда и, Тобою умоляя Бога, никтоже оставлен бысть. Того ради молю Твою неисчетную благость: отверзи двери милосердия Твоего мне, заблудшему и падшему в темение глубины, не возгнушайся мене, сквернаго, не презри грешнаго моления моего, не остави мене, окаяннаго, яко в погибель злобный враг похитити мя ищет, но умоли о мне рожденнаго от Тебе милосердаго Сына Твоего и Бога, да простит великия моя грехи и избавит мя от пагубы моея; яко да и аз со всеми, получившими прощение, воспою и прославлю безмерное милосердие Божие и Твое непостыдное о мне заступление в жизни сей и в нескончаемом веце. Аминь.
Молитва 2-я
К кому возопию, Владычице, к кому прибегну в горести моей, аще не к Тебе, Царице Небесная? Кто плач мой и воздыхание мое приимет и молениям нашим скоропослушливо внемлет, аще не Ты, Всеблагая Споручнице, всех наших радостей Радость? Услыши же и нынешния песнопения и моления, и о мне грешнем Тебе приносимыя. И буди мне Мати и Покровительница и радости Твоея всем нам Подательница. Устрой жизнь мою, якоже хощеши и якоже веси. Вручаю бо себе Твоему покрову и промышлению, да радостно всегда пою Тебе со всеми: Радуйся, Благодатная; радуйся, Обрадованная. Радуйся, Преблагословенная; радуйся, Препрославленная во веки. Аминь.
Молитва к иконе Богородицы «Феодоровская»
Тропарь, глас 4:
Пришествием честныя Твоя иконы, Богоотроковице, обрадованный днесь Богохранимый град Кострома, якоже древний Израиль к кивоту Завета, притекает ко изображению лица Твоего и воплотившагося от Тебе Бога нашего, да Твоим Матерним к Нему предстательством присно ходатайствуеши всем, под сень крова Твоего прибегающим, мир и велию милость.
О, Премилосердая Госпоже, Царице, Богородице, приими смиренное моление наше, и не отрини нас, заступление и прибежище наше, и не возгнушайся нас, недостойных, но, яко Милосердая, не престани молящи, Егоже родила еси, да дарует нам прощение многих согрешений наших, да спасет нас, имиже весть судьбами. Помилуй нас, Владычице, помилуй нас, несмь бо нам спасения от дел. Темже верно вопием Ти: помилуй рабы Твоя и неплодное сердце наше покажи плодоносно благих дел. Призри на нас, недостойных, Ты бо упование и покров наш, жизнь и свет сердцу нашему. Яко Невечерний Свет от чрева Твоего воздвигшая, озари душу нашу, Чистая, и отжени всяку мглу сердца нашего. Даруй нам умиление, покаяние и сокрушение сердечное. Сподоби нас по вся дни живота нашего творити волю Сына Твоего и Бога нашего и во всем благоугождати Ему Единому. О, Богомати, не престани молящи Рождшагося от Тебе за вся, притекающия с верою к сему чудотворному образу Твоему, и подавай им скорую помощь и утешение в скорбех и напастех и злостраданиих, избави их от клеветы и злобы человеческия, от враг видимых и невидимых и всякия нужды и печали. Спаси отечество наше, град сей и вся грады и страны от всяких бед и нужд и сотвори милостива нам быти Бога нашего, отврати всякий гнев Его, на ны движимый, и избави ны от належащаго и праведнаго Его прещения. О, боголюбивая Владычице, Ангелов украшение, мучеников славо и всех святых радосте, с ними моли Господа, да сподобит нас в покаянии скончати живота нашего течение. В смерти же час, Пресвятая Дево, избави нас от власти бесовския и осуждения, и ответа, и страшнаго испытания, и мытарств горьких, и огня вечнаго, да, сподобльшеся славнаго Царствия Божия, величаем Тя и славим воплощшагося от Тебе Христа, Бога нашего, Емуже слава со Отцем и Святым Духом, ныне, и присно, и во веки веков. Аминь.
Молитва к иконе Богородицы «Призри на смирение»
Необоримая стена образ Твой и источник чудес якоже древле от Него заступление Твое граду Пскову даровала еси тако и ныне нас от всех бед и скорбей милостивно избави и спаси души наши яко любвеобильная Мати.
О, Пресвятая Госпоже, Дево Богородице, высшая Херувим и Честнейшая Серафим, Богоизбранная Отроковице! Призри с высоты небесной милостивным Твоим оком на нас, недостойных рабов Твоих, со умилением и слезами молящихся пред Пречистым образом Твоим; не лиши нас Твоего заступления и покрова Державного в странствии сем земном, многоскорбном и многомятежном. Спаси нас в погибели и скорби сущих, воздвигни из глубины греховныя, просвети ум наш, омраченный страстьми и уврачуй язвы душ и телес наших! О, Всещедрая Мати Человеколюбиваго Владыки! Удиви на нас пребогатыя милости Твоя, укрепи немощную волю нашу к деланию заповедей Христовых, умягчи окаменелая сердца наша любовию к Богу и ближним, даруй нам сокрушение сердечное и покаяние истинное, да очистившеся от скверны греховныя, сподобимся мирныя христианския кончины и добраго ответа на Страшнем и нелицеприятием Суде Господа нашего Иисуса Христа, Емуже со Безначальным Его Отцем и Пресвятым, Благим и Животворящим Духом, подобает всякая слава, честь и поклонение, ныне и присно и во веки веков. Аминь.
Молитва к иконе Богородицы «Всецарица»
Тропарь, глас 4:
Образом радостотворным честныя Всецарицы, Желанием теплым взыскающих благодати Твоея, спаси Владычице; избави от обстояний к Тебе прибегающих; от всякия напасти огради стадо Твое, к заступлению Твоему взывающе присно.
Молитва 1-я
О Пречистая Богомати, Всецарице! Услыши многоболезненное воздыхание наше пред чудотворною иконою Твоею, из Афонского удела в Россию пренесенною, призри на чад Твоих, неисцельными недуги страждущих, ко святому образу Твоему с верою припадающих! Якоже птица крилома покрывает птенцы своя, тако и Ты ныне присно жива сущи, покрый нас многоцелебным Твоим омофором. Тамо, идеже надежда исчезает, несумненною Надеждою буди. Тамо, идеже лютыя скорби превозмогают, Терпением и Ослабою явися. Тамо, идеже мрак отчаяния в души вселися, да возсияет неизреченный свет Божества! Малодушныя утеши, немощныя укрепи, ожесточенным сердцам умягчение и просвещение даруй. Исцели болящия люди Твоя, о всемилостивая Царице! Ум и руки врачующих нас благослови; да послужат орудием Всемощнаго Врача Христа Спаса нашего. Яко живей Ти сущей с нами молимся пред иконою Твоею, о Владычице! Простри руце Твои, исполненныя исцеления и врачбы, Радосте скорбящих, в печалех Утешение, да чудотворную помощь скоро получив, прославляем Живоначальную и Нераздельную Троицу, Отца, и Сына, и Святаго Духа во веки веков. Аминь.
Молитва 2
Всеблагая, досточудная Богородице, Пантанасса, Всецарице! Несмь достоин, да внидеши под кров мой! Но яко милостиваго Бога любоблагоутробная Мати рцы слово, да исцелится душа моя и укрепится немощствующее тело мое. Имаши бо державу непобедимую, и не изнеможет у Тебе всяк глагол, о Всецарице! Ты за мя упроси. Ты за мя умоли. Да прославляю преславное имя Твое всегда, ныне и в бесконечныя веки. Аминь.
Молитва к иконе Богородицы «Трех радостей»
Тропарь, глас 4:
От святыя иконы Твоея радости неизреченныя преисполнила еси сердце благочестивыя жены. О Пречистая Владычице мира, Всемощная Царица радосте, Приснодево твари, егда возвратила оной и мужа, и сына, и достояние ея, такожде и всем нам милосердствуеши, даруй исполнение благих желаний, источая присно текущий источник радость молящимся Тебе и вседушно вопиющим: Радость всему миру родившая, радости исполни неоскудевающеи чтущих Тя.
О, Пресвятая Дево, Всеблагаго Сына Мати Всеблагая, царствующего града и святаго храма сего покрове, всем верная предстательнице и заступнице! Не презри моления нас, недостойных раб твоих, но умоли сына Твоего и Бога нашего, да всем нам, с верою и умилением пред чудотворным образом Твоим покланяющымся, по коегождо потребе радость дарует: грешником вседейственное вразумление, покаяние же и спасение; сущым в скорбех и печалех утешение; в бедах и озлоблениих пребывающым совершенное сих избытие; малодушным и ненадежным надежду и терпение; в радости и изобилии живущым непрестанное Богу благодарение; сущым в болезни исцеление и укрепление. О госпоже Пречистая! Умилосердися ко всем чтущым всечестное имя Твое, и всем яви всемощный покров Твой и заступление: от враг видимых и невидимых люди твоя защити и сохрани. Супружества в любви и единомыслии утверди; младенцы воспитай, юныя уцеломудри, отверзи им ум к восприятию всякаго полезнаго учения; от домашния свары единокровныя люди миром и любовию огради, и всем нам подаждь друг ко другу любовь, мир и благочестие и здравие со долгоденствием, да вси на небеси и на земли ведят Тя, яко твердую и непостыдную предстательницу рода христианскаго, и сие ведущие, славят Тя и Тобою Сына Твоего, со безначальным Его Отцем и единосущным Его Духом, ныне и присно и во веки веков. Аминь.
Молитва к иконе Богородицы «Спасительница утопающих»
Заступнице усердная, Мати Господа Вышняго! Ты еси всем христианам помощь и заступление, паче же в бедах сущым. Призри ныне с высоты святыя Твоя и на ны, с верою покланяющыяся Пречистому Образу Твоему, и яви, молим Тя, скорую помощь Твою по морю плавающим скорби терпящим. Подвигни и вся православныя христианы на спасение в водах утопающих, и воздаждь подвизающымся о сем богатыя милости и щедроты Твоя. Се бо, на Образ Твой взирающе, Тебе яко милостивно сущей с нами, приносим смиренная моления наша. Не имамы бо ни иныя помощи, ни инаго предстательства, ни утешения, токмо Тебе, о Мати всех скорбящих и напутствуемых. Ты бо наша надежда и заступница, и на Тя уповающе, сами себе, и друг друга, и всю жизнь нашу Тебе предаем во веки веков. Аминь.
Молитва к иконе Богородицы «Нечаянная Радость»
Тропарь, глас 4:
Днесь, верние людие, духовно торжествуем, прославляюще Заступницу усердную рода христианскаго, и, притекающе к пречистому Ея образу, взываем сице: о Премилостивая Владычице Богородице, подаждь нам нечаянную радость, обремененным грехи и скорбьми многими, и избави нас от всякаго зла, молящи Сына Твоего, Христа Бога нашего, спасти души наша.
О, Пресвятая Дево, Всеблагаго Сына Мати Всеблагая, града Москвы Покровительнице, всех сущих во гресех, скорбех, бедах и болезнех Верная Предстательнице и Заступнице! Приими молебное пение сие от нас, недостойных раб Твоих, Тебе возносимое, и якоже древле грешника, на всяк день многажды пред честною иконою Твоею молившагося, не презрела еси, но даровала еси ему нечаянную радость покаяния и преклонила еси Сына Твоего многим и усердным к Нему ходатайством ко прощению сего грешнаго и заблудшагося, тако и ныне не презри моления нас, недостойных рабов Твоих, и умоли Сына Твоего и Бога нашего, да и всем нам, с верою и умилением поклоняющимся пред цельбоносным образом Твоим, дарует нечаянную по коегождо потребе радость: грешником, погрязшим во глубине зол и страстей, - вседейственное вразумление, покаяние и спасение; сущим в скорбех и печалех - утешение; обретающимся в бедах и озлоблениих -совершенное сих избытие; малодушным и ненадежным - надежду и терпение; в радости и изобилии живущим - непрестанное Благодетелю благодарение; бедствующим - милосердие; сущим в болезни и долгонедужии и оставленным врачами - нечаемое исцеление и укрепление; иждившим от недуга ум - ума возвращение и обновление; отходящим в вечную и нескончаемую жизнь - память смертную, умиление и сокрушение о гресех, дух бодр и твердую на милосердие Судии надежду. О Госпоже Пресвятая! Умилосердися ко всем, чтущим всечестное имя Твое, и всем яви всемощный покров Твой и заступление; во благочестии, чистоте и честнем жительстве пребывающия до последняго их скончания во благости соблюди; злыя благи сотвори; заблуждшия на путь правый настави; всякому делу благому и Сыну Твоему угодному споспешествуй; всякое дело злое и богопротивное разруши; в недоумении и трудных и опасных обстояниих обретающимся незримую помощь и вразумление с Небесе низпосли; от искушений, соблазнов и погибели спаси; от всех злых человек и от врагов видимых и невидимых защити и сохрани; плавающим сплавай; путешествующим спутешествуй; сущим в нужде и гладе буди Питательница; неимущим крова и пристанища буди покров и прибежище; нагим подаждь одеяние; обидимым и неправедно гонимым - заступление; клевету, поношение и хуление терпящия незримо оправдай; клеветники и хулители пред всеми обличи; ожесточенно враждующим нечаемое подаждь примирение, и всем нам друг ко другу любовь, мир и благочестие и здравие с долгоденствием. Супружества в любви и единомыслии сохрани; супруги, во вражде и разделении сущия, умири, соедини я друг ко другу и положи им союз любве неразрушимый; матерем, дети родящим, скорое подаждь разрешение; младенцы воспитай; юныя уцеломудри, отверзи им ум к восприятию всякаго полезнаго учения, страху Божию, воздержанию и трудолюбию настави; от домашней брани и вражды единокровных миром и любовию огради. Безматерних сирот буди Матерь, от всякаго порока и скверны отврати я и всему благому и Богоугодному научи, прельщенныя же и во грех и нечистоту падшия, скверну греха отъявши, из бездны погибели изведи. Вдов буди Утешительница и Помощница, старости буди жезл, от внезапныя смерти без покаяния всех нас избави, и всем нам христианскую кончину живота нашего, безболезненну, непостыдну, мирну и добрый ответ на страшнем Судищи Христове даруй. Преставльшияся в вере и покаянии от жития сего со Ангелы и всеми святыми жити сотвори, скончавшимся внезапною смертию милостива быти Сына Твоего умоли, и о всех усопших, иже не имут сродников, о упокоении их Сына Твоего умоляющих, Сама буди непрестанная и теплая Молитвенница и Ходатаица, да вси на Небеси и на земли ведят Тя, яко твердую и непостыдную Предстательницу рода христианского, и, ведуще, славят Тя и Тобою Сына Твоего, со Безначальным Его Отцем и Единосущным Его Духом, ныне и присно и во веки веков. Аминь.
«АЛФАВИТ ДУХОВНЫЙ» ИЕРОСХИМОНАХА САМПСОНА (СИВЕРСА)
М олитва
Молиться – это Богу предстоять, это беседа с Богом. Молитва девушки, юноши, дитя – часто равносильна мольбам благочестивого, благоговейного иерея, Богу угодна всегда! Молитва должна быть внимательной, медленной, умоляющей и покаянной молитвой; выпрашивая, не спеша, настойчиво: и помилование, и смирение сердца, и любовь как венец добродетелей. Соль дня – молитва. Все должно быть подчинено этому, но – втайне от всех людей. Эту всю заботу о необходимом (работе, еде) – к минимуму. Скупое общение с людьми, сон, свои повадки…По молитве определяется здоровье, самочувствие. Она является термометром и точным барометром твоих чаяний, желаний сердца и ясности или загрязненности сердца. Сама на ощупь убедилась, что без молитвы – пустота, скука, бессилие; глупость и недомысленное упрямство в пороках. Ты знаешь по себе о богатстве молитвы, о силе ее, а от нее – и мирности, и чистоте, и о надеже на оправдание и надеже на благословение Божие в нашей обыденной жизни, очень сложной и мудрой, - в мире зла, хитростей и всякой мерзости, и простой – заповедями Господа Иисуса Христа. Береги себя! не уступай «ни на ниточку тонюсенькую»… Совести укоры обязательно записывай: это тебе нужно, сама убедилась! Не мысли жить без духовной жизни, хотя бы 10 минут. Язык и уши стереги! Выжигай из себя всякую хитрость, лень, лесть, неправду, чувствительность… Режим молитвы береги узелками, как уговаривались, гуляя 15 минут на сон, чтобы «надышаться воздухом». Молитва – соль дня. Барометр нашей жизни – молитва. Наша молитва – это наше здоровье. Молитва должна быть пищей, сладким питием, воздухом, дыханием твоим. Научит тебя любить и бояться Господа, людей любить больше, чем себя. Придя домой, поешь и иди гуляй по лесу, по безлюдным тропкам, держа в кармане четки, и читай, читай, читай часа два-три, до состояния сладости, мирности. И так – ежедневно. Но чтобы научиться так дерзновенно молиться или, вернее, иметь чувство сметь читать, надо соответственно и жить. Постоянно бояться кого-то огорчить, не осудить, а огорчить. Значит, следить за своим языком, не только за своим поведением. Поэтому такая дерзновенная молитва должна быть при чистой жизни.
Если надо о ком-то просить сугубо, то надо молиться ночью, после 12 или до 6 часов. Тяжело, очень тяжело в это время молиться, но ведь надо «кровушку пролить», чтобы Господь внял нашим просьбам. А во время чтения молитв утренних или вечерних хорошо некоторые места дублировать, то есть повторять два-три раза, очень медленно, осмысленно, чтобы каждая жилка чувствовала силу молитвы, чтобы насытиться. Напитаться, обогатиться написанным. «Помилуй мя, Боже, по велицей милости Твоей... по велицей милости Твоей… и по множеству щедрот Твоих, очисти беззаконие мое… очисти беззаконие мое…» и т.д. Работа над молитвой – основа всей духовной жизни. Появилась свободная минута – обязательно читай Иисусову, «Всемилостивую»: идешь ли пешком, едешь ли в автобусе, в метро, - читай Иисусову и «Всемилостивую». Кругом – море людей, нельзя даже присесть. Но для тебя народ не существует. Ты – в пустыне. Вокруг тебя никого нет. Только ты и Божия Матерь. Ты и Спаситель. Ты и Ангел Хранитель. Ты и твой авва… вокруг пляшут, гармошка играет, а ты – молись, так как ты – в пустыне. Ты не должен слышать ни гармошки, ни пляски, а только молитву! Молитва есть слияние сердца с Богом через ум, то есть молиться надо сердцем через ум. Когда человек молится сердцем при участии ума, он пропускает сердечные переживания через сознание. Молитва неспешная, покаянная, плачущая, от духа сокрушенна и смиренна – залог вечного спасения. Кто не знает молитвы Божией Матери, тот не знает, значит, основы вечного спасения!
Вести разговор с Богом – это огонь, пылающий огонь! Этот огонь очищает, обновляет, оживляет, делает человека новым, из совершенно больного делает совершенно здоровым, и никакие лекарства ему не нужны! Научись молиться – и будешь здорова! Из самого хилого, больного человека молитва делает здорового, крепкого, выносливого, энергичного! Только молитва! Конечно, законная молитва, не какая-нибудь…Только православная молитва, от духа сокрушенна и смиренна, весь секрет в этом. Кто не молится и когда он не молится от духа сокрушена и смиренна, тот – горох, который мы кидаем о каменную стену. Молиться покаянно – значит, научить себя осуждать, презирать, оплакивать грехи, все замеченные за собой мысли, слова, поступки, осуждения, самохвальства, злоречие, нехорошие слова, смешные, дерзкие…Если хочешь научиться молиться, чтобы сердце с умом вопило, проникаясь во всю глубину смысла каждого слова, и, проникаясь, слезами обливалось, - прежде всего, забудь языком всякое осуждение, всякие пересуды, злоречие. Никогда ни слова о ком-либо плохого, осуждающего, обесславливающего, недоброго. Когда обуздаешь свой язык, то упорный труд над внимательной, покаянной молитвой даст тебе молитву плача! Молитва есть молиться сердцем через ум: слияние сердца с Богом через ум. Только от духа сокрушенна и смиренна, через ум – прикованность к Богу, не теряя внимания и богопредстояния. Резкость всякая отменяется… Это надо начинать каждый день, с утра. Не надо долго молиться, длинно молиться, много молиться. Одну молитву Спасителю – ее можно читать шесть раз, одно и то же!.. Быстро молиться, невнимательно – бес с тобой молится!.. А когда молитва идет до ума и сердца, то Ангел Хранитель молится! Бес подталкивает молиться: «Скорей, скорей, скорей!» Когда мешают помыслы или ты не в мирности, то читать молитвы надо вполголоса и в четверть голоса. Только не шепотом: бес молится шепотом. А в обычном состоянии – молитвы читать про себя. Надо молиться постоянно, то есть чередовать: 1. Иисусову. 2. «Всемилостивую». 3. Разные молитвы. 4. Акафисты наизусть. 5. Похвалу Божией Матери. 6. Чтение Святого Евангелия. 7. Келейные дела, молча. Языком мы все выбалтываем: пусторечием, осуждением, клеветанием, рассказыванием о себе. Один духовник молился медленно, вдумываясь в каждое слово. Он молился длинно, долго, задерживался всегда, потому что пропускал каждое слово через ум.
- Батюшка, а разница есть: «умом через сердце» и «сердцем через ум»?
Разница большая. Когда человек молится сердцем, при участии ума, он пропускает сердечное переживание через сознание. И одно холодное сознание потом доводит до сердца. Вот почему, скажем, заниматься Иисусовой можно одним холодным умом, без участия сердца. Тогда она будет механическая. Но хуже бывает, если без участия ума, то есть сознания, и без участия сердца – языком, губами или памятью, механической памятью. Вот почему так ценно, наконец-то, усвоить как закон: самое лучшее время для молитвы – это ночь. Женатому, замужней и т.д. – ночь! Кухня, коридор, в конце концов, где-нибудь… Одна половина спит, другая – на молитве. Надо сделать так, чтобы никто не заметил, никто бы не знал. От потребности сердца – Богу предстоять… От потребности… Если он будет это в себе развивать, он без этого не сможет жить никогда, и с плачем и рыданием он вынужден будет уступать, сокращать и т.д.
Почему лежачему больному так особенно больно быть больным? Не потому, что надо лежать в кровати, а потому, что он лишен именно самого сладкого – молитвенного богопредстояния. Вот почему обидно бывает больному долго болеть и быть лишенным молитвенного делания, если он не научился лежа молиться! А для этого нужны лучше всего ночные часы. Нужна работа, постоянная работа над собой. И зачеркнуть себяжеление! Мы, между прочим, не умеем экономить время для того, чтобы ухитриться ночью помолиться… Чтобы ночью встать, но встать так, чтобы никто не видел и не знал… Не одевать обувь ни в коем случае, только специальные чулки шерстяные, чтобы не шелестеть, чтобы не скрипеть. Должна быть полная тишина… Вот почему у нас, у православных людей, так драгоценна эта лампадочка, чего лишили себя католики и все прочие христиане. Они лишены именно этой простейшей радости – освещать икону лампадами, чтобы заняться не чтением по книжке, а чтением по пальцам Иисусовой или «Достойно», или «Всемилостивой». Часика на два, на три, и больше ничего, там книжки ни при чем… Ночью акафисты не читают, ночью читают «Достойно есть», «Всемилостивую», Иисусову на все лады… Наступает утро, а тебе не хочется кончать, и вся ночь – прошла в молитве…Если кто может приучить себя к этому сладкому деланию, тот богатый человек! Он не умеет ни осуждать, ни гневаться, всех оправдывает, всех извиняет, со всеми мирствует, всем уступает. Для него все – умные, все – хорошие, все-все – святые, он один поганец. Вот почему Угодники Божии так быстро восходили от силы в силу: усваивали силу, благодать Святаго Духа!
Молитва Божией Матери «Всемилостивая»,
продиктованная о. Сампсону преп. Серафимом.
Всемилостивая Владычице моя, Пресвятая Госпоже, Всепречистая Дево, Богородице Марие, Мати Божия, Несумненная и Единственная моя Надежда! Не гнушайся мене, не отвергай мене, не остави мене; заступись, попроси, услыши, виждь, Госпоже, помози, прости, прости, Пречистая!
По книге «Алфавит духовный», Москва, 2009 г.
